Tono Campos, subcampión do Mundo de piragüismo maratón en Hungría
Por Redacción
Pontevedra segue a ser unha potencia mundial na modalidade de piragüismo maratón, e os palistas da provincia empeñáronse en demostralo no arranque do Campionato do Mundo que se está celebrando na localidade húngara de Gyor.
O mellor resultado polo momento é a medalla de prata lograda polo grovense Tono Campos (Breogán) na modalidade de C-1.
Campos, que con esta medalla suma 12 en mundiais e europeos de maratón, tivo opcións de vitoria ata os últimos metros, pero terminou cedendo ao sprint ante o húngaro Márton Kövér, co portugués Nuno Barros na terceira praza e o tamén galego David Mosquera (Ría de Betanzos) cuarto tras completar un percorrido de 26 quilómetros.
Tamén competiron nos barcos individuais a pontevedresa Raquel Rodríguez (EP Cidade de Pontevedra) logrando unha sobresaliente cuarta praza, mentres Damián González (Piragüismo Verducido) foi sexto na categoría sub-23.
A outra medalla galega logrouna o tudense Iván Alonso, sendo bronce no K-1 senior.
Relacionadas:
-
Unha regata "de nivel nacional" probará o circuíto do Campionato de Europa de Piragüismo Maratón
Por Diego Espiño |
-
Pontevedra solicita a organización do Campionato do Mundo 2020 de piragüismo maratón
Por Diego Espiño |
-
Óscar Graña e Ramón Ferro, medalla de prata no Campionato do Mundo de Piragüismo Maratón de Gyor
Por Redacción | Creada e actualizada
-
Os piragüistas pontevedreses, a polo Mundial de Maratón en Hungría
Por Redacción |
-
Óscar Graña e Ramón Ferro, prata no Europeo de piragüismo maratón; Fiuza, bronce
Por Redacción |
-
O pontevedrés Damián González roza as medallas no Europeo de piragüismo maratón
Por Redacción |