Un gol de Diego Silva para o Céltiga tomba ao Marcón no Carrasco (0-1)
Por Redacción
Segunda derrota da tempada para o Marcón Atlético, que caeu pola mínima no Carrasco ante un Céltiga que presenta a súa candidatura a pelexar polos postos altos da táboa.
Malia que os insulares gozaron de maior dominio e ocasións durante boa parte do partido, os de Carlés gozaron dalgunha boa ocasión para adiantarse.
Non o lograron e Diego Silva, cun disparo dende fóra da área no minuto 69 rematou por decidir o choque.
Só catro minutos despois do gol do Céltiga, a expulsión de Arturo nos locais por dobre amoestación rematou coas aspiracións de remontada do Marcón.
Con este resultado os pontevedreses quedan na décimo terceira praza con tres puntos, mentres o Céltiga é cuarto con sete.