O Poio Fútbol Sala, premiado como mellor club de Galicia
Por Redacción
Son xa 18 anos de traballo que nos últimos deron importantes froitos, co ascenso a Prmera División do equipo feminino sénior, a súa permanencia dous anos consecutivos, ou os títulos nacionais e autonómicos logrados polos seus diferentes equipos.
Todo iso, especialmente o seu traballo de canteira, é a causa pola que a Federación Galega de Fútbol Sala decidiu premiar o Poio FS como mellor club de Galicia.
Así llelo notificaron á entidade vermella, que recibirá o galardón na gala anual que a federación celebrará no Pazo da Cultura de Pontevedra o próximo mes de setembro.
Este premio concédese tras a votación de todos os clubs galegos, o que outorga se cabe máis mérito ao recoñecemento.
Durante os seus anos de vida o Poio Fútbol Sala gañou cinco campionatos de España de base, a súa afección foi declarada como a mellor do país e achegou á Selección Española a tres das súas xogadoras.
CONTINÚA A PRETEMPADA
Tras a súa estrea con triunfo ante o Burela, o primeiro equipo adestrado por Jorge Basanta continúa coa pretempada, na que afronta oito sesións de adestramento á semana.
Ademais o próximo amigable xogarase este mesmo sábado, 22 de agosto, en Espiño (Portugal) ante o Novasamente, campión da primeira división lusa.
Por outro lado o club comunicou que todos os seus equipos de base volverán á actividade o día 1 de setembro.
Relacionadas:
-
Listas para afrontar o debut ligueiro en Alcorcón
Por Mónica Patxot |
-
Prometedora estrea do Poio FS goleando ao potente Burela (5-1)
Por Redacción |
-
O Poio FS inicia a pretempada co obxectivo de "seguir creciendo" na máxima categoría
Por Diego Espiño & Mónica Patxot |
-
O Poio FS arrancará a liga en Alcorcón a mediados de setembro
Por Redacción |