Prometedora estrea do Poio FS goleando ao potente Burela (5-1)
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/11f/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/55d56e7727-20150819-patxot-partido-poio-pescamar-burela-005.jpg)
© Mónica Patxot
![](/web/cache/scene/uploads/fotos/foto/314/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/55d56ec17c-20150819-patxot-partido-poio-pescamar-burela-002.jpg)
© Mónica Patxot
Apenas levan un par de semanas adestrando, baixo as ordes ademais dun novo adestrador e coa baixa dunha xogadora importante como Claudia, concentrada coa Selección Española, pero non foi iso impedimento para deixar grandes sensacións na súa estrea.
O Poio Fútbol Sala xogou este mércores o seu primeiro amigable da pretempada e fíxoo cunha convincente actuación ante un equipo, o Burela, que aspira a todo esta campaña tras rematar terceiro a pasada liga de Primeira División.
As vermellas caracterizáronse por unha grande intensidade defensiva dende o inicio e mostraron cales serán os seus sinais de identidade con Jorge Basanta no banco.
Elena adiantou o Poio, pero Maite empatou para as lucenses antes do descanso.
Xa no segundo acto Jessi e Jenny daban vantaxe ás locais, que sentenciaron no último minuto con dous goles máis de Ale que dan licenza para soñar con algo máis que a permanencia na máxima categoría.
Só foi un partido e queda un longo camiño por diante, pero o Poio Fútbol Sala demostrou que arranca o curso con ilusión.