Última gran cita da tempada para a Gimnástica
Por Redacción
A Sociedad Gimnástica afronta con optimismo en Castelló o Campionato de España Absoluto de Atletismo co obxectivo de repetir as dúas medallas de hai un ano.
É a última gran cita da tempada e o club pontevedrés acudirá a ela con 11 atletas, tras conseguir as marcas mínimas esixidas pola Federación Española.
Conta con opcións de podio Lysvanys Pérez en salto de altura. Este ano saltou 2,15 metros e se supera os 2,17 podería conseguir medalla. Acompáñalle nesta disciplina Manuel Molinos, que acredita 2,09 este ano.
Tamén deberá mellorar as súas marcas desta tempada Víctor Gallego en disco para chegar aos 56 metros nos que se estima a loita polo podio. Ademais competirá tamén no lanzamento de peso.
Pola súa banda Ignacio Sarmiento, bronce en 2014 en 400 valos, intentará repetir xesta. Chega á cita coa quinta mellor marca dos participantes con 51.30 segundos.
Completa as opcións de medalla Julián Ortiz nos 110 valos, mentres o resto do equipo o compoñen Alberto Guerrero (800 metros), David Martínez (1.500), Gonzalo Sánchez-Camacho (100 metros), Eduardo Gallardo (400 metros), Rocío Rodríguez (1.500 metros) e o relevo masculino de 4x400 (Eduardo Gallardo, Ignacio Sarmiento, Darío Costas e Alberto Guerrero).
A competición celebrarase durante dúas xornadas, o sábado 1 e o domingo 2 de agosto.
Relacionadas:
-
Os atletas da Sociedad Gimnástica brillan na dobre Milla do Albariño, na que se impón Víctor Riobó
Por Redacción |
-
Okutu, subcampión de España pero sen mínima para o Mundial
Por Redacción |
-
A Gimnástica aspira a clasificar 17 atletas para o Campionato de España Absoluto
Por Redacción |
-
Víctor Gallego e Felicea Tilea, triunfadores do Trofeo Cidade de Pontevedra de atletismo
Por Redacción |
-
Tres medallas, unha delas de ouro, para a Gimnástica no Nacional júnior de Valladolid
Por Redacción |