Víctor Gallego e Felicea Tilea, triunfadores do Trofeo Cidade de Pontevedra de atletismo
Por Redacción
As pistas do Centro Galego de Tecnificación Deportiva (CGTD) acolleron este mércores unha nova edición do Trofeo Cidade de Pontevedra de atletismo, o Memorial Celso Mariño, que organizou a Sociedad Gimnástica de Pontevedra.
Tratábase dunha das últimas oportunidades para conseguir a marca esixida para acudir ao campionato de Galicia Absoluto de atletismo, que se disputa o 18 de xullo.
Ademais do trofeo á mellor marca masculina da competición de Víctor Gallego, grazas á súa vitoria no lanzamento de peso con 16,60 metros, outros catro atletas da Sociedad Gimnástica conseguiron triunfos parciais.
Ángel Vargas venceu nos 200 metros, Jon Alonso no salto de lonxitude, Andrea Pais nos 200 metros femininos e tamén gañou o relevo 4x100.
Por parte do Atlético Lucense conseguíronse dúas vitorias parciais: Elba Vélez nos 400 metros e Uxía Pereira nos 300 metros.
O resto de triunfos foron para Manuel Hurtado del New Balance nos 3.000 metros, Miguel Cajaraville del Celta de Vigo na pértega masculina, Beatriz Viteri del Femenino Celta no salto con pértega, Iria Forján del Atlético Barbanza no salto de lonxitude, Alexis Miguens del Santa Uxía nos 300 metros e Felicea Tilea del Simply-Scorpio 71, no lanzamento de xavelina, levándose de paso o trofeo á mellor marca feminina con 52,32 metros.