Dominio da Gimnástica no campionato galego de atletismo con 19 medallas, cinco delas de ouro
Por Redacción
O Campionato de Galicia de atletismo tivo un marcado protagonismo pontevedrés. Os atletas da Sociedad Gimnástica regresan deste torneo, disputado esta fin de semana en Ourense, cun total de 19 medallas, cinco delas de ouro. É o mellor resultado para o equipo dende 2011.
O equipo pontevedrés liderou o medalleiro con 5 medallas de ouro, 7 de prata e 7 de bronce; sumando máis oros que ningún e duplicando o segundo equipo en número de metais, o Real Club Celta, que conseguiu 10 preseas.
Un dos atletas máis destacados foi o júnior Jorge Puig, que en apenas hora e media se levou dúas medallas de ouro, impoñéndose claramente nos 800 metros e nun apertado sprint nos 1.500 metros.
Outros atletas tamén conseguiron varias medallas, David Ferrer sumou ata tres preseas, con prata no salto de lonxitude, bronce no salto con pértega e outro bronce no relevo 4x100, facendo equipo con Alex Solla, Jon Alonso e Darío Costas, que foi prata nos 100 metros.
Víctor Gallego volveu ao alto do podio en lanzamento de disco cunha prata e en lanzamento de peso cun ouro; mentres que Inés Martínez foi bronce no salto con pértega e prata no salto de altura, logrando marca persoal nesta última proba.
O salto con pértega foi de novo unha das probas fetiches para a Gimnástica con catro medallas. Ademais das dúas mencionadas, Santi Ferrer foi ouro na proba masculina e Clara Gil na proba feminina. O quinto ouro do campionato foi para Eva Iglesias nos 5 quilómetros marcha.
Completaron os postos de podio, as platas de Iván Docampo nos 5.000 metros e Ángel Vargas nos 400 metros, baixando por primeira vez dos 50 segundos, con 49,69; e os bronces de David Rocha no lanzamento de peso, Barca Toba nos 5.000 metros femininos, Ángeles Filgueira no lanzamento de xavelina e Paula Martín no salto de lonxitude.
Relacionadas:
-
A Gimnástica aspira a clasificar 17 atletas para o Campionato de España Absoluto
Por Redacción |
-
As cadetes da Gimnástica buscan un oco na final do Nacional de Clubs
Por Redacción |
-
Víctor Gallego e Felicea Tilea, triunfadores do Trofeo Cidade de Pontevedra de atletismo
Por Redacción |
-
Tres medallas, unha delas de ouro, para a Gimnástica no Nacional júnior de Valladolid
Por Redacción |