A Gimnástica aspira a clasificar 17 atletas para o Campionato de España Absoluto
Por Redacción
O próximo domingo péchase o prazo habilitado para lograr as marcas mínimas para participar no Campionato de España Absoluto de Atletismo e a Sociedad Gimnástica está preto de certificar un novo fito na súa historia.
Ata o momento nove deportistas do club pontevedrés están clasificados para a cita, pero esa cifra podería subir ata os 17, segundo as previsións dos técnicos, a maior na historia do club.
Fai escasas datas a Federación Española confirmou a inscrición do equipo de relevo masculino de 4x400 e a Gimnástica espera que se sumen os catro atletas que están a un paso da mínima.
Para iso esta fin de semana preséntase decisiva para David Martínez en 1.500 metros, Emilio Martín en 5.000 metros, Gonzalo Sánchez-Camacho en 100 metros e Manuel Castellanos en xavelina, todos eles aínda con opcións de clasificación.
Os que si lograron a mínima son Alberto Salcedo (200 metros), Alberto Guerrero (800 metros), Ignacio Sarmiento (400 valos), Julián Ortiz (110 valos), Lysvanys Pérez (altura), Manuel Molinos (altura), Álex Flórez (10 quilómetros marcha) Víctor Gallego (disco) e Rocío Rodríguez (1.500 metros).
O Campionato de España Absoluto celebrarase os días 1 e 2 de agosto en Castelló.
Relacionadas:
-
Os atletas da Sociedad Gimnástica brillan na dobre Milla do Albariño, na que se impón Víctor Riobó
Por Redacción |
-
Última gran cita da tempada para a Gimnástica
Por Redacción |
-
Dominio da Gimnástica no campionato galego de atletismo con 19 medallas, cinco delas de ouro
Por Redacción |
-
Víctor Gallego e Felicea Tilea, triunfadores do Trofeo Cidade de Pontevedra de atletismo
Por Redacción |