O Guijuelo, primeiro rival do Pontevedra no seu regreso á Segunda División B
Por Alejandro Espiño
A Real Federación Española de Fútbol fixo público este xoves o calendario de competición de Segunda B para a próxima tempada. Dous días despois de que a asemblea ratificase a composición dos grupos, o Pontevedra coñeceu a orde na que se enfrontará aos seus rivais no grupo I. O primeiro será o Guijuelo, equipo castelán leonés que visitará Pasarón o 23 de agosto.
O primeiro desprazamento dos homes de Luisito chegará unha semana despois, o 30 de agosto. O seu destino será Estremadura. Alí enfrontaranse ao Cacereño e terán que lidar coas altas temperaturas que, tradicionalmente, adoita haber nesas datas na rexión. Tudelano (casa), Lealtad (fóra) e o primeiro derby ante o Compostela (casa) pecharán o primeiro mes de competición para os granates.
Ademais deste duelo fraticida do 20 de setembro (a volta será o 7 de febreiro), o Pontevedra afrontará outros cinco derbys. A semana seguinte viaxará a Ferrol para enfrontarse ao Rácing, visita que devolverán a Pasarón o 14 de febreiro. Coruxo (4 de outubro na casa e 21 de febreiro fóra), Celta de Vigo B (29 de novembro fóra e 17 de abril na casa) e Somozas (6 de decembro na casa e 24 de abril fóra) completan os duelos galegos.
O último partido da tempada será en Burgos, ao que o Pontevedra recibirá o 15 de maio en Pasarón. Será o mesmo encontro, aínda que en terras castelás, co que despedirán a primeira volta da competición, o 3 de xaneiro.
O calendario completo do grupo I da Segunda B pódese consultar neste enlace.
Relacionadas:
-
Sorteado o calendario de liga en Preferente Autonómica Sur cun Marcón-Porriño na primeira xornada
Por Redacción |
-
Volta ao traballo con poucas caras novas e varias frontes sen pechar
Por Diego Espiño & Cristina Saiz | Creada e actualizada
-
Primeiros reforzos para o novo proxecto do Pontevedra en Segunda B
Por Diego Espiño |
-
O Guijuelo, primeiro escollo do Pontevedra no seu regreso á Copa do Rei
Por Redacción |
-
O Pontevedra segue dando baixas e prescinde do adestrador de porteiros, Jaime García Formoso
Por Ramiro Espiño |
-
O Arosa comeza a liga na Lomba fronte ao Cerceda e o Ribadumia visita ao Órdenes
Por Redacción |
-
Ratifican a composición dos grupos de Segunda B: o Pontevedra xogará contra os navarros
Por Alejandro Espiño |
-
Ás voltas coa composición do Grupo I da Segunda B
Por Redacción |
-
Feijóo homenaxea polo ascenso a un Pontevedra "que lle cae ben a todo o mundo"
Por Diego Espiño |