O Campionato de España en Cáceres, próximo reto para o Supermercados Froiz
Por Redacción
O próximo reto para o Grupo Deportivo Supermercados Froiz pasa polo Campionato de España de Ciclismo en Estrada, que se disputa esta fin de semana en Cáceres.
O equipo pontevedrés contará na cita con nove corredores, repartidos entre as probas de contrarreloxo e de fondo.
A competición arrinca o venres 26 de xuño coas probas contrarreloxo, na que participarán Roberto Mediero e Antonio Portela na categoría sub-23 dentro do equipo galego e Martín Lestido e Sergio Míguez en elite.
Ademais Raúl Fernández únese a Mediero e Portela na carreira de fondo sub-23 e Pedro Merino, Miguel Gómez, José Luís Mariño e Rubén García completan a representación na proba de fondo elite prevista para o domingo 28.