Lucía Vázquez cede parte da súa vantaxe pero mantén o liderado en Portugal
Por Redacción
A falta de dúas probas para a conclusión da Taça de Portugal, Lucía Vázquez mantense á fronte da clasificación xeral.
Faino malia ver reducida a seis puntos a súa renda con respecto á segunda clasificada, a estoniana Maaris Maier, vencedora en Ribeira de Pena na cuarta cita da competición lusa.
Lucía chegou segunda a liña de meta nunha carreira na que tivo algúns problemas: "Ía moita calor, pero o peor era a cantidade de po que se levantaba. Resultaba imposible non o tragar e iso fíxome moito dano. Custábame respirar e ía moi afogada", recoñeceu a deportista de Vilaboa.
Tras algo máis de hora e media de carreira, Lucía Vázquez finalizou a minuto e corenta segundos da gañadora, mentres a portuguesa Joana Monteiro foi terceira.
A Taça de Portugal, un dos principais obxectivos da tempada para a ciclista pontevedresa, afronta agora un parón ata o 20 de setembro, cando se celebrará a carreira de Oliveira de Azemeis.
Relacionadas:
-
Lucía Vázquez mantén o liderado en Portugal por un só punto
Por Redacción |
-
Defender o liderado, obxectivo de Lucía Vázquez en Portugal
Por Redacción |
-
Lucía Vázquez imponse na última proba do Open de Galicia en Castro Barbudo
Por Redacción |
-
Apoio da Xunta a Lucía Vázquez na súa carreira cara aos Xogos Olímpicos
Por Redacción |
-
Lucía Vázquez, "moi motivada" para lograr o seu primeiro campionato de España de BTT
Por Redacción |
-
Lucía Vázquez inicia en Ribeira da Pena un mes clave da tempada
Por Redacción |
-
Lucía Vázquez, campioa por segunda vez do Open de España de BTT
Por Redacción |