Támara Echegoyen e Berta Betanzos arrancan con bo pé na Garda Trentino Olympic Week
Por Redacción
Bo inicio de Támara Echegoyen e Berta Betanzos na Garda Trentino Olympic Week de vela que se está a disputar en augas italianas.
O dúo galego-cántabro sobrepúxose a un inicio complicado no Lago di Garda, cun oitavo posto na primeira das tres mangas disputadas.
Na segunda proba Echegoyen e Betanzos situáronse na segunda posición e na terceira caeron á undécima praza parcial.
Na xeral do 49er FX Támara e Berta son quintas, a sete puntos do podio nunha clasificación que dominan as italianas Giuglia Conti e Francesa Claspcich seguidas das británicas Charlotte Dobson e Sophie Ainsworth e as finlandesas Sinem Kurtbay e Silja Kanerva.
A Garda Trentino Olympic Week é a segunda cita da EUROSAF Champions Sailing Cup de 2015.