Cerdedo, Cotobade e Campo Lameiro únense na primeira Carreira Popular Conca do Lérez
Por Diego Espiño
Unha nova proba deportiva nace para unir "deporte, patrimonio y naturaleza". Esas son as bases da primeira Carreira Popular Conca do Lérez, que se celebrará o próximo 1 de maio.
Así as definiu o alcalde de Cerdedo, José Balseiro, localidade dende a que sairá a carreira. Xunto a el presentaron o evento os rexidores dos outros dous municipios involucrados, Jorge Cubela (Cotobade) e Julio Sayáns (Campo Lameiro).
A carreira Conca do Lérez contará cun percorrido de 18 quilómetros que partirá ás 10:00 horas da ponte romana de Cerdedo, atravesará Cotobade pasando pola Carballeira de San Xusto e concluirá no Parque Arquelógico de Arte Rupestre de Campo Lameiro.
"No buscamos mucha inscripción, queremos que la gente conozca la zona", declarou Balseiro, ao que Cubela engadiu que "no hay que irse al Courel o Ribeira Sacra para disfrutar de la naturaleza, estamos aquí al lado".
A inscrición para a proba, que será gratis para os socios dos clubs de atletismo da Conca do Lérez e terá un custo de 6 euros para o resto de atletas, habilitarase ata o 28 de abril na web www.cronotec.es.