Meritorio décimo quinto posto para Pablo Dapena na Copa do Mundo de New Plymouth
Por Diego Espiño
Hai unha semana as sensacións non foron boas en Mooloolaba (32º), pero o pontevedrés Pablo Dapena desquitouse na súa segunda proba consecutiva da Copa do Mundo de Tríatlon celebrada en New Plymouth (Nova Zelandia).
Dapena protagonizou unha notable carreira loitando ata os últimos metros por entrar no Top-10 nunha proba marcada polas difíciles condicións meteorolóxicas.
Ao final o pontevedrés foi décimo quinto cun tempo 53:34, lonxe do gañador, o sudafricano Richard Murray (52:38), pero a só cinco segundos do décimo clasificado.
Pablo foi ademais o mellor español da carreira tras saír da auga no decimitercer lugar entrar no grupo de 37 que se xogaría a Copa na carreira a pé.
A Copa do Mundo de New Plymouth disputouse en distancia sprint (750 metros de natación, 20 quilómetros de ciclismo e 5 quilómetros de carreira a pé).
Ao termo da competición o triatleta galego recoñeceu que "tras dúas semanas sen actuar como me gustaría, á terceira foi a vencida" nunha "carreira dura".
Dapena sinalou ademais que deixa Oceanía "moi satisfeito co resultado e con moita moral para afrontar os seguintes meses de duros adestramentos".
Relacionadas:
-
Cidade do Cabo, debut de Pablo Dapena nas Series Mundiais de Tríatlon
Por Diego Espiño |
-
Pablo Dapena e Jean Marie Okutu, entre os novos recoñecidos pola Xunta como deportistas de alto nivel
Por Diego Espiño |
-
Pablo Dapena estrea a súa tempada internacional cun decimoquinto posto en Wollongong (Australia)
Por Alejandro Espiño |
-
Pablo Dapena inicia en Australia a tempada da súa confirmación internacional
Por Diego Espiño |