Pablo Dapena inicia en Australia a tempada da súa confirmación internacional
Por Diego Espiño
Despois de meses de intenso adestramento, cunha concentración en Fuerteventura incluída dentro do grupo que acompaña a Javier Gómez Noya, chega a hora da verdade para Pablo Dapena.
O triatleta pontevedrés inicia esta fin de semana con ilusión unha tempada que debe confirmalo no panorama internacional, e faino cun mes de marzo con probas de gran nivel na busca de importantes puntos para o ranking ITU.
Dapena xa se encontra a Australia, onde este sábado tomará a saída na Copa de Tríatlon Sprint de Oceanía en Wollongong, unha cita na que tamén estarán triatletas de gran nivel como os locais Jacob Birtwhistle e Jason Wilson ou o húngaro Akos Vanek.
A competición constará de 750 metros de natación, 20 quilómetros de bicicleta e 5 quilómetros de carreira a pé.
Será unha boa toma de contacto para o que lle espera ao deportista pontevedrés na súa xira oceánica, posto que sen apenas descanso afrontará as copas do Mundo de Mooloolaba (Australia) e New Plymouth (Nova Zelandia).
Tras estas competicións Dapena afrontará con máis tranquilidade o mes de abril, preparándose para o que chegará en maio e xuño, con citas como a Copa de Europa de Madrid, a Copa Africana en Larache ou os campionatos de España de Aquatlón e Triatlón Sprint que se disputarán en Pontevedra os días 20 e 21 de xuño.
Relacionadas:
-
Meritorio décimo quinto posto para Pablo Dapena na Copa do Mundo de New Plymouth
Por Diego Espiño |
-
Pablo Dapena estrea a súa tempada internacional cun decimoquinto posto en Wollongong (Australia)
Por Alejandro Espiño |
-
Pablo Dapena, Miguel Ángel Vidal e Aline Bosch, tres triatletas pontevedreses no anuncio de Powerade
Por Alejandro Espiño |
-
Pablo Dapena pecha a tempada cun vixésimo sétimo posto na Copa do Mundo de Cartagena de Indias
Por Redacción |
-
Sétimo posto en Madrid para Pablo Dapena, o mellor español na final da Copa de Europa de tríatlon
Por Redacción |