Pablo Dapena estrea a súa tempada internacional cun decimoquinto posto en Wollongong (Australia)
Por Alejandro Espiño
Agridoce debut para o pontevedrés Pablo Dapena na súa tempada internacional. O triatleta finalizou na décimo quinta posición na Copa de Tríatlon Sprint de Oceanía, celebrada esta fin de semana en Wollongong, localidade situada no sueste australiano.
"Sen chispa, sen ritmo de competición, sen capacidade para para ir rápido nin para sufrir", explicaba Dapena sobre as súas sensacións durante a proba, composta por 750 metros de natación, coa saída situada en Belmore Basin, 20 quilómetros sobre a bicicleta ao longo de tres voltas e 5 quilómetros finais de carreira a pé, nunha única volta que transcorreu pola coñecida 'Blue Mile'.
O triatleta local Jacob Birtwhistle confirma os prognósticos que o situaban como un dos favoritos e conseguía a vitoria. O australiano compartiu podio co alemán Christopher Hettich e o canadense Tyler Mislawchuk, segundo e terceiro respectivamente.
Nunha meritoria quinta praza finalizou o galego Uxío Abuín, que entrou cun tempo de 55:44; mentres que Pablo Dapena foi décimo quinto con 56:19, a un minuto e 21 segundos do gañador.
A seguinte proba do triatleta pontevedrés será a proba da Copa do Mundo que se disputará Mooloolaba (Australia) o próximo 14 de marzo.
Relacionadas:
-
Meritorio décimo quinto posto para Pablo Dapena na Copa do Mundo de New Plymouth
Por Diego Espiño |
-
Pablo Dapena inicia en Australia a tempada da súa confirmación internacional
Por Diego Espiño |
-
Pablo Dapena, Miguel Ángel Vidal e Aline Bosch, tres triatletas pontevedreses no anuncio de Powerade
Por Alejandro Espiño |