Unha prata e un bronce, balance de Bea Gómez no Meeting de Marsella
Por Diego Espiño
Brillante papel de Bea Gómez no IV Meeting OPEN Mediterranée disputado en Marsella.
A nadadora pontevedresa achégase ao seu mellor estado de forma, como reflicten as marcas logradas na cita internacional, na que sumou dúas medallas a poucas semanas do Campionato de España Open no que buscará a súa clasificación para o Mundial.
Bea colgouse a prata nos 800 libre cun tempo de 8:32.14, o seu terceiro mellor rexistro nesta distancia e ademais sétima mellor marca mundial do ano.
A proba estivo dominada pola británica Jazmin Carlin (8:25.13), pero supón un reforzo para a deportista do Galaico.
Ademais Bea Gómez foi terceira nos 400 estilos (4:43.17) nunha final na que se impuxo a húngara Katinka Hosszu (4:39.96) e a brasileira Joanna Maranhao (4:42.66).
A deportista pontevedresa tamén nadou os 200 estilos (2:15 86), primeira na Final B, e os 400 libre (4:14.51), onde foi sétima.
Relacionadas:
-
Medalla de prata e primeira mínima mundialista para Bea Gómez no Nacional Open
Por Diego Espiño |
-
A hora da verdade para Bea Gómez
Por Diego Espiño |
-
Bea Gómez, convocada para participar co equipo nacional no Open Mediterranée de Marsella
Por Redacción |
-
Dobre medalla de bronce para Bea Gómez no Meeting de Luxemburgo
Por Diego Espiño |