Medalla de prata e primeira mínima mundialista para Bea Gómez no Nacional Open
Por Diego Espiño
Grande inicio de competición para Bea Gómez Cortés na primeira xornada do Campionato de España Open Abosulto de Primavera que se está a disputar en Málaga.
A nadadora pontevedresa colgouse a medalla de prata nos 800 libre cun tempo de 8:31.54, que significa ademais a súa clasificación para o Campionato do Mundo de Kazan (Rusia) do próximo verán.
Gómez Cortés conseguiu a primeira mínima mundialista das catro ás que aspira, sendo superada só por Mireia Belmonte (8:28.53).
A ribeirense María Vilas completou o podio dos 800 libre (8:38.09).
Para a xornada do domingo Bea Gómez afrontará o seu día máis completo, ao estar inscrita nos 400 estilos e nos 200 libre.
Tamén competiron na primeira xornada en Málaga dous deportistas máis do Galaico, Paula Goyanes e Daniel Sánchez.
Goyanes foi cuarta na final C de 200 bolboreta (2:21.05) e décimo sexta nos 800 libre (9:05.98) mentres Sánchez concluíu vixésimo quinto nos 1.500 (16:46.16).
Relacionadas:
-
Unha doenza cardíaca obriga a Bea Gómez a parar e pasar polo quirófano
Por Redacción |
-
Discreto peche de campionato para Bea Gómez no Nacional Open
Por Diego Espiño |
-
Terceira medalla no Nacional para Bea Gómez, que queda sen mínima nos 200 estilos
Por Diego Espiño |
-
Segunda prata e mínima mundialista para Bea Gómez nos 400 estilos do Nacional Open
Por Diego Espiño |
-
A hora da verdade para Bea Gómez
Por Diego Espiño |
-
Unha prata e un bronce, balance de Bea Gómez no Meeting de Marsella
Por Diego Espiño |