O Poio FS roza a sorpresa pero remata cedendo (4-5) ante o Cidade das Burgas
Por Redacción
Final emocionante e arbitraxe moi protestado. O Poio FS mereceu máis e rozou a sorpresa ante o segundo clasificado, o Cidade das Burgas, que se impuxo pola mínima con moitas dificultades remontando a vantaxe inicial das rapazas de Morenín.
Adiantábase o Poio na primeira parte, cun gol de Elena, de disparo afastado, nun partido que dominaban as ourensanas pero no que eran as locais as que xeraban as mellores ocasións de gol, se ben pouco antes do descanso, María Arias nun man a man ante Silvia conseguía empatar.
Ao pouco da reanudación, Claudia nunha boa transición ofensiva permitía ao Poio volver poñerse por diante, pero o Cidade daría a volta en apenas dous minutos con goles de Candela e Vane.
Mediado o segundo tempo Lucía Nespereira anotaba o 2-4, aproveitando a inferioridade numérica local como consecuencia da expulsión por dobre amarela de Souza. Tres minutos máis tarde, Nerea nun lanzamento dende fóra da área recortaba distancias.
O Poio recorría ao xogo de cinco a falta de tres minutos e Claudia tivo a ocasión de empatar nun penalti que non logrou transformar. A acción sería clave, xa que deseguido María Arias había o 3-5 e aínda que Jenny volvía achegar ao conxunto local, o Cidade soubo aguantar para acabar levándose os puntos.
POIO FS (4): Silvia; Yoly, Elena, Claudia, Souza -cinco inicial-, Paloma, Nerea, Jenny e Charo.
CIDADE DAS BURGAS (5): Ana; Peke, Sonia, Lucía Nespereira, Vane -cinco inicial-, Candela e María Arias.
Árbitros: José Castro e Alfredo Castro (Pontevedra). Expulsaron por dobre amarela á xogadora local Souza (30'). Amoestaron a Jenny no Poio e a Ana no Cidade dás Burgas. Tamén expulsaron o segundo adestrador e o utillero do Poio.
Goles: (1-0) Minuto 13: Elena. (1-1) Minuto 17: María Arias. (2-1) Minuto 22: Claudia. (2-2) Minuto 24: Candela. (2-3) Minuto 26: Vane. (2-4) Minuto 31: Lucía Nespereira. (3-4) Minuto 34: Nerea. (3-5) Minuto 38: María Arias. (4-5) Minuto 39: Jenny.
Incidencias: Pavillón Municipal da Seca (Poio). Uns 600 espectadores.
Relacionadas:
-
O Poio FS prolonga o seu mal inicio de ano e cae de forma imprevista (2-1) ante Viaxes Amarelle
Por Redacción |
-
O Poio FS paga cunha dura derrota en Móstoles (4-0) a súa falta de acerto en ataque
Por Redacción |
-
O Poio FS, na busca do seu primeiro triunfo de 2015
Por Redacción |
-
Díficil compromiso para o Poio FS coa visita do Cidade dás Burgas
Por Redacción |
-
Sofre o Burela FS para dobregar (5-3) o Poio FS nun emocionante partido
Por Redacción |