O Olivais portugués, rival do Arxil no XXI Torneo Ciudad de Pontevedra
Por Redacción
O Olivais de Coimbra devolve a visita ao Club Baloncesto Arxil aproveitando o parón do Nadal das súas respectivas ligas.
Se en agosto foron as verdes as que se desprazaron ata Coimbra, agora o club luso visita a cidade de Lérez no XXI Torneo Ciudad de Pontevedra.
Durante a tarde do sábado 3 de xaneiro e a mañá do domingo 4 disputaranse ata seis partidos entre os equipos sénior, cadete e infantil de ambas as dúas entidades.
Segundo explicou Mayte Méndez na presentación do torneo, o Olivais é un "club punteiro" da liga portuguesa, na que finalizou no cuarto posto a pasada tempada, polo que se trata dun rival ideal para "preparar o mes de xaneiro que nos toca", en relación ao difícil calendario do equipo de Liga Feminina 2.
O torneo divídese entre a competición sénior e a de base, cun horario de partidos que se estruturou do seguinte xeito:
- SÁBADO 3 XANEIRO
- 16:00 horas: Arxil Infantil A - CB Olivais (Pavillón Maxisterio)
- 18:00 horas: Arxil Mafari - CB Olivais Sub-19 (Pavillón Municipal)
- 20:00 horas: Arxil LF2 - CB Olivais LF (Pavillón Municipal)
- DOMINGO 4 XANEIRO
- 10:00 horas. Arxil Infantil C - CB Olivais (CGTD)
- 12:00 horas: Arxil Cadete B - CB Olivais (Pavillón Maxisterio)
- 12:00 horas: Arxil LF2 - CB Olivais LF (CGTD).
Relacionadas:
-
Dobre triunfo do Arxil ante o Olivais portugués no Cidade de Pontevedra
Por Redacción |
-
Fallon Lewis segue en EEUU e convértese en seria dúbida para os primeiros partidos do ano
Por Diego Espiño |
-
O Club Baloncesto Arxil despide o seu mellor ano
Por Redacción |
-
O Arxil, pendente dos problemas de visado de Fallon Lewis no seu regreso aos adestramentos
Por Redacción |