Dobre triunfo do Arxil ante o Olivais portugués no Cidade de Pontevedra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
O equipo de Liga Feminina 2 do Club Baloncesto Arxil non regala esta tempada nin os encontros amigables.
As rapazas adestradas por Mayte Méndez estrearon o ano cun dobre amigable ante o Olivais de Coimbra para preparar o seu regreso á competición oficial, sumando dous triunfos cómodos.
O conxunto verde gañou por 63-54 ás lusas na tarde-noite do sábado nun partido disputado no Pavillón Municipal dos Deportes, e este domingo, no Centro Galego de Tecnificación repetiu vitoria (62-45) para adxudicarse o XXI Trofeo Cidade de Pontevedra.
A fin de semana resultou redonda para o club pontevedrés, xa que tamén se quedou co trofeo destinado ás categorías inferiores.
Só o Infantil C cedeu unha derrota apertada por 30-33, mentres o Cadete gañou por 68-33, o Infantil A por 61-40 e o filial sénior por 90-44.