O Estradense remonta con dous goles en dous minutos (1-2) e afunde aínda máis ao Pontevedra B
Por Redacción
Duro castigo para o Pontevedra B na visita á Xunqueira do Estradense (1-2).
O filial granate realizou unha boa primeira metade, na que se adiantou por medio de Viñas aos 37 minutos, pero os mozos dirixidos nesta ocasión por Milo Abelleira trala saída de Blas Charlín pagaron caros os seus poucos erros no encontro.
O Estradense saíu mellor tralo descanso en busca da igualada e non só a atopou, senón que en dous minutos deu a volta ao electrónico.
Primeiro foi Jorge Casal o que puxo o empate aos 59 minutos, e sen tempo case para asimilalo Garabal fixo o segundo para os visitantes.
Esta derrota afunde aínda máis na clasificación aos granates, colistas con 5 puntos.
PONTEVEDRA CF B (1): Soto, Dani Adán (Yago, min.67), Dani Otero (Álex Hernández, min.73), Marou, Brais, Corrales, Viñas, Manu Piñeiro (Tetteh, min.60), Andrés (Manu Veiga,min.69), Hugo, Mario (Emilio, min.69).
CD ESTRADENSE (2): Diego Álvarez, David Castro (Adrián, min.76), Martín, Mateo, Víctor, Manuti, Unai (Rivadulla, min.78), Silva, Diego Terzado, Arturo (Garabal, min.53), Jorge Casal (Aguado, min.88).
Árbitro: Jiménez Jiménez. Amoestou aos locais Emilio e Álex Hernández e aos visitantes Jorge Casal e Manuti.
Goles: 1-0 Viñas (min.37); 1-1 Jorge Casal (min.59); 1-2 Garabal (min.61).
Incidencias: Partido disputado no campo da Xunqueira I de Pontevedra.
Relacionadas:
-
Un gol de Diego no desconto permite respirar ao Pontevedra B (2-1) fronte ao Erizana
Por Redacción |
-
O Pontevedra B leva o duelo de necesitados derrotando (0-1) ao Marcón no Carrasco
Por Redacción |
-
Malleira do Verín (5-0) a un Pontevedra B que non levanta cabeza
Por Redacción |
-
Blas Charlín presenta a súa dimisión como adestrador do filial do Pontevedra CF
Por Redacción |