Bo inicio de Echegoyen e os irmáns Paz na final da Copa do Mundo de Vela
Por Redacción
Sen apenas descanso tras participar no Campionato Sudamericano e o Intergaláctico de Brasil, Támara Echegoyen e Berta Bertanzos e os irmáns Carlos e Antón Paz afrontan dende este xoves a final da Copa do Mundo de Vela da ISAF.
A competición iniciouse en Abu Dhabi con boas sensacións para os regatistas galegos.
O dúo Echegoyen-Betanzos chega aos meses finais de ano no cuarto posto do ranking mundial e disposto a manter esa posición.
Así o demostraron nunha primeira xornada no 49er FX na que finalizaron quintas tras sumar nas tres mangas un terceiro posto parcial, un sétimo e un undécimo que foi o seu descarte. A clasificación lidérana as neozelandesas Alexandra Maloney e Molly Meech.
Pola súa banda no 49er Carlos e Antón Paz arrancaron a competición na duodécima praza, tras lograr dous décimos postos e un sétimo nas tres regatas disputadas.
O liderado polo momento é para os polacos Tomasz Januszewski e Jacek Nowak.
A final da Copa do Mundo prolongarase ata o próximo domingo 30 de novembro nas inmediacións do Abu Dhabi Sailing and Yacht Club.
Relacionadas:
-
Antón e Carlos Paz, prata na final da Copa do Mundo de vela; Támara Echegoyen remata novena
Por Redacción |
-
Támara Echegoyen e os irmáns Paz, a polas medallas na final da Copa do Mundo de vela
Por Redacción |
-
Quinto posto final para Echegoyen e Betanzos no Intergaláctico de Brasil
Por Redacción |
-
Sétimo posto para Támara Echegoyen e Berta Betanzos no Campionato Sudamericano
Por Redacción |
-
Gran oitavo posto para Támara Echegoyen no Mundial de Santander, tras ser quinta na última regata
Por Redacción |