Brillar no Nacional e o Europeo previstos no Lérez, obxectivo dos piragüistas pontevedreses de maratón
Por Diego Espiño
Os padexeiros pontevedreses que participaron, con grandes resultados, no recente Campionato do Mundo de Piragüismo Maratón de Oklahoma (EE.UU.) recibiron este martes unha pequena homenaxe no Concello.
ÿscar Graña (bronce en C-2), Álvaro Fernández Fiuza (prata en K-2) e Damián González (cuarto en C-1 júnior) foron recibidos polo alcalde, Miguel Anxo Fernández Lores, e o concelleiro de Deportes, Agustín Fernández, ante os cales fixaron as súas próximas metas.
Entre elas destacan o Campionato de España de 2015 e o de Europa de 2016 que organizará Pontevedra, onde os tres queren brillar pero por diferentes causas.
A incógnita sitúase sobre ÿscar Graña, laureado como poucos ao longo da súa extensa carreira e que, aínda que quere aguantar ata 2016, plantéxase a retirada: "Mi intención es llegar a 2016 y acabar en Pontevedra pero el cansancio pesa".
Pola súa banda Álvaro Fernández Fiuza recoñece que "teño moitas ganas e adestro duro para 2016", polo que o próximo ano estará no Campionato de España de Pontevedra, onde espera lograr a clasificación para Europeo e Mundial. Ademais o Descenso do Sella volverá ser un dos obxectivos principais da tempada.
O terceiro en discordia con só 18 anos é Damián González, que afronta con ilusión o seu salto de categoría, de júnior a sub-23, onde espera poder repetir os éxitos do último ano.
Tres padexeiros que segundo o alcalde "enchen de orgullo" á cidade.
Relacionadas:
-
Primeiros pasos na organización do Europeo de Piragüismo Maratón de 2016
Por Diego Espiño |
-
Os piragüistas que acudiron ao Mundial de Maratón de Oklahoma reciben unha homenaxe na Deputación
Por Redacción |
-
Tono Campos e Álvaro Fernández Fiuza, subcampións do mundo de Maratón; ÿscar Graña e Ramón Ferro, bronce
Por Redacción |
-
Primeiro ouro pontevedrés en Oklahoma: Tono Campos proclámase campión do mundo de Maratón
Por Redacción |