Noveno posto para Carmen Gómez nos Xogos Olímpicos da Xuventude
Por Redacción
Destacada actuación de Carmen Gómez Cortés na segunda edición dos Xogos Olímpicos da Mocidade que se están dispuntando na localidade chinesa de Nanjing.
A triatleta pontevedresa meteuse no Top-10 na proba disputada na madrugada deste domingo na contorna do Lago Xuanwu nun circuíto complicado e técnico as choivas previas á competición.
Carmen mantívose sempre no grupo de cabeza. Saíu do auga, tras completar 750 metros de natación, na sétima posición a 15 segundos da líder, enlazando coa cabeza na primeira das catro voltas do sector ciclista (20 quilómetros).
Formouse entón un grupo de seis triatletas ata que pouco antes de chegar á transición as perseguidoras lograron enlazar. Por diante só estaba a australiana Brittany Dutton, que se escapou e que logrou manter esa vantaxe na carreira a pé (5 quilómetros) para facerse co triunfo final.
Pola súa banda Carmen Gómez terminou o T2 no posto duodécimo, pero logo de manter un ritmo regular no sector de carreira a pontevedresa ascendeu á novena praza final cun tempo de 1:02:07.
Stephanie Jenks (EEUU) e Emilie Morier (Francia) completaron o podio.
Relacionadas:
-
Recepción no Concello a Carmen Gómez Cortés, a triatleta pontevedresa de maior proxección
Por Redacción |
-
Indignación na Federación Galega pola exclusión de Carmen Gómez da lista para o Mundial Júnior
Por Diego Espiño | Creada e actualizada
-
Medalla de prata para Carmen Gómez nos relevos mixtos dos Xogos Olímpicos da Xuventude
Por Redacción |
-
Carmen Gómez, rumbo a Nanjing coa ilusión de brillar nos Xogos Olímpicos da Xuventude
Por Redacción |
-
Quinto posto para Carmen Gómez no Campionato de Europa Júnior de Triatlón
Por Redacción |
-
Carmen Gómez clasifícase para Xogos Olímpicos da Xuventude tras finalizar segunda en Weert
Por Redacción |