David Cal e Ana Varela, lonxe das medallas nas primeiras finais do Mundial de Moscú
Por Redacción
Lonxe do podio quedaron os padexeiros galegos na penúltima xornada do Campionato do Mundo de Piragüismo en Augas Tranquilas que se está a disputar na capital rusa, Moscú.
Foi o caso de David Cal, último dunha quenda final atípica do C-1 1.000, posto que dous dos seus rivais foron descualificados, o que o ergueu ao sétimo posto final. Un dos eliminados foi o brasileiro e compañeiro de adestramento de Cal Isaquías Queiroz, que pelexou polo triunfo ata a última pada con Sebatian Brendel, actual campión olímpico. Os dous caeron na chegada, pero o brasileiro fíxoo antes de cruzar a meta e foi descualificado.
Pola súa banda a piragüista do Kayak Tudense Ana Varela finalizou na oitava praza coas súas compañeiras do K-4 500. Con todo se repiten esa clasificación o próximo ano lograrían o billete a Río 2016.
Tamén competiron este sábado André Oliveira e Yeray Picallo (Náutico Firrete), cuartos na final B de C-2 200 metros; e Víctor Rodríguez (Kayak Tudense) xunto ao seu compañeiro Diego Cosgaya, cun terceiro posto na final B de K-2 1.000.
Este domingo, no último día de competición, serán varias as opcións de medalla, empezando polas pontevedresas Raquel Rodríguez e Jenifer Casal (Ciudad de Pontevedra) en C-2 500 e seguindo con ÿscar Carrera e Rodrigo Germade (Kayak Tudense) na final do K-4 1.000 metros e Rubén Millán e Diego Piña (Kayak Tudense) no K-2 500.
Relacionadas:
-
Os piragüistas galegos despídense do Mundial sen medallas pero con boas sensacións
Por Redacción |
-
Protagonismo galego no Mundial de piragüismo de Moscú
Por Redacción |
-
David Cal clasifícase para a final do C-1 1.000 no primeiro día do Mundial de Moscú
Por Redacción |
-
David Cal, Tono Campos, Diego Romero e Adrián Sieiro, rumbo a Moscú para o Mundial de piragüismo
Por Redacción |