A Federación Española eleva a 265.000 euros o custo da praza do Ourense
Por Diego Espiño
Sorpresa no seo do Pontevedra polo criterio seguido pola Federación Española de Fútbol (RFEF) para ocupar a praza que deixa vacante en Segunda B o Club Deportivo Ourense, descendido por débedas co seu plantel.
Esa praza será ofrecida en primeiro lugar ao Pontevedra por méritos deportivos, ao ser o conxunto da Terceira Galega con máis puntos sumando liga regular e play-off, pero a cantidade que terá que asumir a entidade granate se quere ascender é finalmente de 265.000 euros.
Así o sinala en organismo federativo nunha circular con data deste martes 1 de xullo.
Esta cantidade choca co criterio das últimas tempadas nas que se realizaba unha media coas débedas de todos os equipos descendidos por estas circuncias, neste caso Ourense, Noja e Laudio, e que situaría o canon nuns 160.000 euros.
Sen embargo, como Noja e Laudio xa perderan a categoría deportivamente e o seu descenso administrativo é a Preferente, a Federación elevou o custo do ascenso para o equipo interesado.
O Pontevedra ten agora ata as 10:00 horas do 4 de xullo, venres, para comunicar á RFEF se está intesado nesta posibilidade.
Relacionadas:
-
O Consello rexeita ocupar a praza do Ourense: "El Pontevedra Club de Fútbol no va a pagar ese dinero"
Por Diego Espiño |
-
O Pontevedra, a 160.000 euros de Segunda B tras o descenso administrativo do Ourense
Por Diego Espiño |
-
Comezan a planificar o novo Pontevedra: o club ofrece renovar á metade do equipo actual
Por Alejandro Espiño |
-
A posible renuncia do Puertollano ao ascenso podería abrirlle ao Pontevedra a porta da Segunda B
Por Alejandro Espiño |