Jéssica Bouzas vence á británica Boulter e cóase na terceira rolda do US Open
Por Diego Espiño
Non hai quen free a progresión de Jéssica Bouzas, que este xoves meteuse por segunda vez na súa carreira en terceira rolda dun grand slam, igualando o conseguido esta mesma tempada en Wimbledon.
A tenista arousá superou con solvencia o seu segundo encontro no US Open, vencendo ao actual número 33 do ranking mundial, a británica Katie Boulter (7-5, 7-5).
Bouzas tivo que remar no primeiro set, no que chegou a verse 2-4 abaixo, pero non se rendeu igualando primeiro a catro xogos, chegando a salvar unha bóla de set despois e asestando finalmente un break decisivo para anotar o parcial por 7-5.
Jessica Bouzas exhibiendo poderío .#LaPistaDelTenis pic.twitter.com/VucNpuUUCQ
— Tenis en Movistar Plus+ (@MovistarTenis) August 29, 2024
No que respecta a a segunda manga, Jéssica tomou vantaxe cunha rotura no terceiro xogo (2-1) e chegou a contar cun dobre break e servizo para pechar o encontro (5-2), pero a súa rival reaccionou con tres xogos consecutivos. Chegouse así ao momento clave do choque, cunha nova rotura da arousá para repetir o 7-5 do primeiro set e levar un triunfo de moitísimo mérito.
Pase o que pase no resto do torneo Jéssica Bouzas ten garantido xa saír de Nova York co mellor ranking da súa carreira deportiva, dando ademais un importante salto na clasificación da WTA.
Relacionadas:
-
Jéssica Bouzas, convocada con España para a Billie Jean King Cup
Por Almu Dapena |
-
Jéssica Bouzas non pode coa intratable Pegula e despídese do US Open en terceira rolda
Por Almu Dapena |
-
Convincente estrea de Jéssica Bouzas no US Open e pase a segunda rolda
Por Redacción |
-
Jéssica Bouzas disputará a primeira rolda do US Open fronte á croata Petra Martic
Por Almu Dapena |
-
Jéssica Bouzas cae en segunda rolda do WTA 250 de Cleveland e xa mira cara ao US Open
Por Redacción |
-
Remontada de Jéssica Bouzas para avanzar a segunda rolda do WTA 250 de Cleveland
Por Redacción |
-
Jéssica Bouzas cae en segunda rolda de Cincinnati ante Svitolina
Por Redacción |
-
Jéssica Bouzas, de 'lucky loser' a avanzar a segunda rolda do WTA 1000 de Cincinnati
Por Redacción |
-
Jéssica Bouzas retírase de Wimbledon por problemas lumbares ante Barbora Krejciková
Por Almu Dapena |