Jéssica Bouzas avanza de rolda na previa do WTA 1000 Cincinnati
Por Almu Dapena
Quedou ás portas de participar nos Xogos Olímpicos de París, pero a tenista Jéssica Bouzas segue ao pé do canón traballando sen descanso e competindo nos grandes eventos tenísticos do mundo.
De feito, a vilagarciá de 21 anos atópase en Ohio, onde este mesmo domingo iniciou a súa participación na fase previa do WTA 1000 Cincinnati no complexo de Kings Island.
Alí superou pola vía rápida á veterana ucraína Lesia Tsurenko, que foi incapaz de levarlle o ritmo á tenista galega e caeu por 2-6/2-6.
O seguinte partido de Jéssica Bouzas será este luns fronte á polaca Magdalena Frech, número 50 na clasificación mundial.
A vilagarciá inicia desta forma a súa xira americana en pista dura. A próxima semana en Cleveland competirá no WTA 250, torneo que servirá como preparación para a súa participación no Open USA na última semana do mes de agosto en Nova York, onde entrará directamente no cadro final.
Relacionadas:
-
Jéssica Bouzas cae en segunda rolda de Cincinnati ante Svitolina
Por Redacción |
-
Jéssica Bouzas, de 'lucky loser' a avanzar a segunda rolda do WTA 1000 de Cincinnati
Por Redacción |
-
Jéssica Bouzas retírase de Wimbledon por problemas lumbares ante Barbora Krejciková
Por Almu Dapena |
-
Jéssica Bouzas cae no seu debut en Roland Garros fronte á croata Jana Fett
Por Almu Dapena |
-
A Top-10 Ostapenko acaba coa aventura de Jéssica Bouzas no WTA 1.000 de Madrid
Por Diego Espiño |