Arzu, adestrador do Betis Deportivo: "Viñemos gañar, fomos valentes e estivemos moi ben na presión"
Por Almu Dapena
"O nivel dos equipos era moi parello e podíase decantar por calquera lado". Así comezou a rolda de prensa do técnico do Betis Deportivo, Arzu, tras o ascenso do seu equipo a Primeira RFEF.
"Axustamos ben en relación á ida. Viñemos a gañar, fomos valentes e estivemos moi ben na presión. Incomodámolos aproveitando a velocidade e é aí onde lles fixemos bastante dano", recoñeceu o adestrador verdibranco, quen asegurou que o labor do Betis neste play-off "ten moito mérito" despois de quedar quinto do seu grupo na liga regular.
Explicou que o seu equipo leu ben o posicionamento do Pontevedra e contragolpeou "moi ben. Axustamos ben non caer en fóra de xogo excesivas veces e os mozos interpretárono", explicou.
Dixo tamén que os seus xogadores afrontaron o asedio de centros na recta final do encontro "cunha madurez moi grande" e cre que "se nos empatasen na última acción, sufririamos na prórroga".
Relacionadas:
-
Yago Iglesias, tras quedar sen ascenso: "É moi inxusto para o que foi o equipo toda a tempada"
Por Almu Dapena |
-
O Betis Deportivo deixa sen ascenso o Pontevedra (1-1)
Por Almu Dapena & Mosrey Fotografía |
-
O Pasarón das grandes citas
Por Mosrey Fotografía |
-
Unha previa granate á altura da final polo ascenso
Por Mosrey Fotografía |