O Bádminton Ravachol cae con honra en Sevilla nas semifinais polo título de liga
Por Diego Espiño
A aventura dunha tempada histórica para o Club Bádminton Ravachol Pontevedra chegou ao seu fin nas semifinais polo título de liga de División de Honra.
O equipo pontevedrés, primeiro galego clasificado para un play-off polo título na máxima categoría, non puido prolongar o seu soño de pelexar polo campionato ao perder este domingo na súa visita ao Rinconada de Sevilla.
A derrota foi dura (6-1), pero os pupiulos de Jesús Pereiro caeron coa cabeza alta e tras superar adversidades nas últimas semanas en forma de lesións.
O certo é que o Rinconada, primeiro clasificado do Grupo B, non deu opción á sorpresa do Ravachol, ao tomar a dianteira xa no primeiro punto cun triunfo en catro mangas no dobres mixto, onde os locais Carlos Piris e Claudia Leal superaron a Gabriel Fernández e Georgina Eileen.
O marcador ampliouse con dúas vitorias máis do Rinconada, ambas as dúas en tres sets, nos dobres tanto masculinos como femininos.
Chegaba a quenda dos partidos individuais sen marxe para o erro do Bádminton Pontevedra, e aínda que Laura Álvarez vendeu cara a súa derrota cedeu en catro parciais fronte a Beatriz Corrales confirmando a derrota e o pase á gran final do Rinconada.
Polo menos nos tres partidos que pechaban a semifinal Georgina Eileen deulle o punto de honra ao Ravachol ao vencer á chinesa Wei Xu.
Unha derrota en todo caso que non embaza a gran tempada do Club Bádminton Ravachol Pontevedra, na que fixo historia para o bádminton pontevedrés e galego.
Relacionadas:
-
O francés Leo Van Gysel seguirá no Bádminton Ravachol
Por Redacción |
-
Quinta tempada consecutiva de Georgina Bland co Bádminton Ravachol
Por Redacción |
-
O Bádminton Ravachol comeza a planificar a súa quinta tempada consecutiva en División de Honra
Por Redacción |
-
Dobre ouro do Bádminton Ravachol no Máster de Cartaxena
Por Redacción |
-
Georgina Bland, elixida mellor xogadora da tempada na División de Honra de Bádminton
Por Diego Espiño |
-
Derrota en Oviedo para un Ravachol que perde o factor cancha para a semifinal polo título
Por Redacción |
-
Dobre medalla de bronce para o Bádminton Ravachol no Máster Nacional Sub-19 de Tordesillas
Por Redacción |
-
O Bádminton Ravachol fai historia e xogará o play-off polo título en División de Honra
Por Redacción & Cristina Saiz |
-
Asegurada a permanencia, o Bádminton Ravachol soña ao grande "cos play-off polo título e seguir facendo historia"
Por Diego Espiño |