Yago Iglesias, sobre o partido ante o Coruxo: "Queremos que se vexa a mellor versión do Pontevedra"
Por Almu Dapena
O Pontevedra CF ten este domingo en Pasarón a primeira das dúas xornadas crave da tempada.
Será ante o Coruxo (17:00 horas), un rival "complicadísimo" que, a pesar de "non ter un inicio de liga moi bo, manexa moitos rexistros e ten xogadores de moito nivel que se adaptan aos distintos rivais aos que se enfronta", asegurou Yago Iglesias. "Esperamos un Coruxo valente que vai xogar de ti a ti e vainos a poñer as cousas difíciles".
No caso do conxunto granate, a noticia boa da semana é que todas as probas realizadas a Rufo durante a semana foron positivas e o técnico puido contar con todo o plantel ao completo para preparar o partido da semana e así preparar diferentes opcións para os enfoques.
Neste sentido, o adestrador valorou o traballo de todos e cada un dos seus xogadores, especialmente tras o triunfo da pasada semana ante o Guijuelo. "É o traballo que non se ve, pero entre semana traballa todo o grupo e para nós é moi positivo que se vexa reflectido. Xogue quen xogue o rendemento é alto", recoñeceu, porque "isto é o que fai que os equipos consigan grandes cousas".
Ademais, a estas alturas da tempada é o momento no que "xa empezan a importar os resultados e os gol average", por iso poder contar con todo o plantel para un partido tan importante é vital para Yago Iglesias.
En todo caso, o técnico prefire centrarse en ir partido a partido e non mirar máis aló do partido contra o Coruxo, onde "queremos que se vexa a mellor versión do Pontevedra".
Relacionadas:
-
O Pontevedra tira de efectividade para remontar ante o Coruxo e seguir líder (3-1)
Por Almu Dapena & Cristina Saiz |
-
Especial homenaxe a Pablo Vázquez, último 'One Club Man' do Pontevedra CF
Por Redacción |
-
Charly López: "Son dous partidos clave, se gañamos os dous pegariamos un bo salto"
Por Diego Espiño |
-
Rufo recibe a alta médica "tras o resultado satisfactorio de todas as probas realizadas"
Por Diego Espiño |
-
Dúas xornadas clave para o Pontevedra, e as dúas en Pasarón
Por Diego Espiño |
-
Toño Calvo e Charly danlle os tres puntos ao Pontevedra en Guijuelo (1-2)
Por Almu Dapena |
-
Promoción nas entradas para os dous próximos partidos do Pontevedra na casa
Por Redacción |