A borrasca Karlotta dificulta a chegada de deportistas ao Campionato de España Máster de Natación
Por Diego Espiño
A mala climatoloxía condicionou o arranque do Campionato de España Máster de Inverno de Natación que se disputa esta semana no Complexo Deportivo Rías do Sur de Ponte Muíños.
Segundo informou a Real Federación Española de Natación, varios clubs dos 161 rexistrados na competición non puideron chegar a Pontevedra a tempo de competir na xornada do xoves debido á borrasca Karlotta.
Isto débese a que os seus deportistas eran pasaxeiros nalgúns dos voos que tiveron que regresar aos seus puntos de orixe ante a imposibilidade de aterrar en Galicia polo mal tempo.
A pesar da incidencia a primeira xornada do Nacional Máster encheu de deportistas a piscina olímpica pontevedresa, deixando ata nove récords de España no balance do día.
Destacaron as plusmarcas nacionais de Felipe Arevalillo (100 libres en +70 por baixo de 1.09) e os dous de Rosa Segarra en 100 e 200 braza na categoría +75. Tamén asinaron un récord de Eapaña os deportistas Santiago Valenzuela (100 libres +50), Sergio Sarmiento (200 braza +60), Ramona Guillén (100 libres +65), Pilar Solsona (50 bolboreta +70) e as remudas de 4x50 estilos do Vulcania Master (+120) e Tenerife Masters (+320).
O Campionato de España Máster, que se disputa por sexta vez en Pontevedra, finalizará o vindeiro domingo 11 de febreiro.
Relacionadas:
-
Un Campionato de España Máster de récord
Por Almu Dapena & Cristina Saiz |
-
Récord do Mundo na segunda xornada do Nacional Máster de Natación en Ponte Muíños
Por Diego Espiño |
-
Alberto Castro: "Queremos que Ponte Muíños se converta nunha sede nacional, estamos a negocialo"
Por Diego Espiño |
-
Cheo absoluto en Rías do Sur no comezo do Campionato de España Máster de Natación
Por Diego Espiño & Mónica Patxot |
-
Todo preparado en Ponte Muíños para o Nacional Máster de Natación: "Este tipo de eventos interesan polo que moven"
Por Diego Espiño |
-
O Nacional Master de Natación de Inverno, unha competición coa que Rías do Sur pecha o círculo
Por Diego Espiño |