O Poio Pescamar mira cara a Torremolinos
Por Redacción
O ano 2024 empeza para o Poio Pescamar preparándose para un gran obxectivo, a fase final da Supercopa de España.
A Real Federación Española de Fútbol (RFEF) confirmou que a sede do torneo será a localidade malagueña de Torremolinos, os días 3 e 4 de febreiro.
Alí o conxunto conserveiro, que ten previsto regresar aos adestramentos este xoves 4 de xaneiro, loitará por levantar o seu primeiro título nacional, algo que rozaron cos dedos en 2020 como subcampioas da Copa da Raíña e a inicios de 2021 na propia Supercopa, caendo en ambas as dúas ocasións na final fronte ao Burela.
O equipo da Mariña será precisamente un dos rivais na próxima Supercopa como actuais campioas de liga. Ademais participará o Futsi Atlético Navalcarnero (finalista de liga) e o STV Roldán (vencedor da Copa da Raíña). O Poio faino como o mellor clasificado da tempada regular de entre o resto de equipos nacionais.
A sede da fase final será o Palacio San Miguel, con capacidade para 1.500 espectadores.
Antes desa cita, obxectivo que ilusiona na entidade vermella, a liga de Primeira División regresará o 13 de xaneiro (20.00 horas) ao pavillón da Seca como un duelo de altos voos antes o propio Burela Pescados Rubén, actual líder da competición regular.
Relacionadas:
-
Quinta Supercopa consecutiva para o Burela tras gañar pola mínima o Poio Pescamar
Por Almu Dapena |
-
O Poio Pescamar supera o Roldán e xogará a final da Supercopa
Por Almu Dapena |
-
"Moitas ganas e ilusión" no Poio Pescamar para disputar a Supercopa de España
Por Almu Dapena |
-
O Poio Pescamar evita os 'cocos' no sorteo da Supercopa de España
Por Diego Espiño |
-
Dobre presenza do Poio Pescamar na primeira convocatoria do ano da Selección Española
Por Redacción |
-
Vacacións de Nadal como punto de inflexión para cambiar o rumbo en liga
Por Redacción |
-
Repartición de puntos nun vibrante derbi entre Poio Pescamar e FSF Castro (2-2)
Por Redacción |
-
'Manita' do Poio Pescamar ao Marín Futsal no Derbi da Ría
Por Almu Dapena & Cristina Saiz |