Postais con Heidi e o seu avó chegan como agasallo creativo ao Centro de Maiores de Campolongo
Por Redacción
Dentro da actividade solidaria que se xerou ao redor do Centro de Maiores de Campolongo por mor da proposta realizada polo director Juan José López Peña demandando cartas de Nadal ás persoas residentes neste espazo, seguen sumándose novas iniciativas.
Nas últimas horas, o ilustrador Kiko da Silva, director de O Garaxe Hermético, entregaba neste centro pontevedrés as postais do Nadal elaboradas por alumnado do Curso Profesional de Banda Deseñada e Ilustración.
Trátase de tarxetas con personaxes de cómic e de televisión propios da época en que os residentes eran aínda menores de idade, nos anos máis clásicos do cómic. A iniciativa busca, segundo indica o propio Kiko da Silva, que estas postais fáganlles lembrar bos momentos da infancia. Personaxes como Heidi, Carpanta, Rompetechos ou Zipi e Zape, recreados polo alumnado de O Garaxe Hermético, ofrecen ese elemento humorístico que uniu a varias xeracións.
Estas postais súmanse ás máis de 10.000 cartas que se recibiron no centro e mostras solidarias de particulares e colectivos que quixeron mostrar o seu apoio ás persoas maiores durante estas datas.
Relacionadas:
-
"A caixa do correo máis grande do mundo" está na residencia de maiores de Campolongo
Por Mónica Patxot & María José Pita |
-
Convocado o Concurso de Postais de Nadal para escolares de Vilaboa
Por Redacción |
-
'Tok-a-Nós', o agradecemento da residencia de Campolongo pola avalancha de cartas de Nadal
Por Redacción |
-
Unha gala divirte os maiores da Residencia Campolongo
Por Redacción |
-
O sentido agradecemento "a toda España" e aos seus coidadores dos maiores de Campolongo
Por Natalia Puga & Mónica Patxot | Creada e actualizada
-
Seis mil cartas, doces, artesanía e moito agarimo para "devolver aos maiores ao centro da vida na sociedade"
Por Natalia Puga & Mónica Patxot |
-
A Residencia de Campolongo pon en marcha unha iniciativa para que os maiores reciban cartas polo Nadal
Por Redacción |