Concerto da Banda de Música de Salcedo e da Coral Polifónica para celebrar o Nadal este venres 23
Por Redacción
A Asociación Músico-Cultural San Martiño, como é tradición, celebra este venres 23 de decembro, a partir das 20.00 horas, no Pazo da Cultura o concerto para festexar o Nadal. Participarán a Banda de Música de Salcedo e a Coral Polifónica.
A agrupación coral de Salcedo interpretará, acompañada por un quinteto de clarinetes da Banda de Música, as seguintes pezas: Ding, dong merrily on high; Cu cú; Canto de berce; Brincar e bailar; e Joy to the word.
A continuación, a Banda de Música de Salcedo ofrecerá un recital con pezas como a abertura de Pique Dame, de Franz von Suppé, con arranxos de Daniel Martín; e o Concerto for Bb clarinet and wind orchestra, de Rimski-Korsakov. A solista Carlota Rodríguez Castro, gañadora do quinto Concurso de Novos Intérpretes da Escola de Música de Salcedo, intervirá como clarinete solista.
Dentro do programa tamén se inclúen Waltz nº 2 from suite for stage orchestra, de Shostakóvich, con arranxos de James Curnow; e The typewriter, de Leroy Anderson, con arranxos de Hans van der Heiden; con percusión solista a cargo de Óscar Xusto Villanueva.
A sesión finalizará coa interpretación con Symphonic highligths from frozen, con arranxos de Stephen Bula e A most wonderful christmas, con arranxos de Robert Sheldon.
A entrada é libre ata completar a capacidade do auditorio do Pazo da Cultura.
Relacionadas:
-
A Banda e a Coral Polifónica de Salcedo celebran as Letras Galegas cun concerto
Por Redacción |
-
RADIO.- A profesora de música e cantante Marlene Armentero prepara 'Con nome propio'
Por Redacción |
-
O comercio de Pontevedra agasalla uns lentes especiais para ver os agasallos de Nadal
Por Redacción |
-
A Banda de Música de Salcedo entrega os pins de benvida a unha quincena de novos membros
Por Redacción |
-
Máis de 1.200 escolares participan no concerto didáctico da escola de música de Salcedo
Por Redacción |