Manel pecha en Pontevedra a xira do disco 'Per la bona gent'
Por Redacción & Cristina Saiz
Á terceira foi a vencida. Tras dous intentos previos, que tiveron que ser aprazados pola pandemia, o público pontevedrés puido ver por fin en directo á banda catalá Manel.
A xira de Per la bona gent, o disco que editaron en 2019, recalou esta fin de semana en Galicia, para recuperar as datas suspendidas hai xa dous anos. Foi con senllos concertos en Ferrol e, o último este sábado, en Pontevedra.
Centos de persoas encheron as butacas do auditorio do Pazo da Cultura para asistir a esta esperada actuación, que formaba parte do ciclo musical Voices.
Neste concerto, a formación integrada por Guillem Gisbert, Martí Maymó, Roger Padilla e Arnau Vallvé ofreceu tanto os seus últimos temas como un repaso á súa extensa discografía.
Os seus temas, integramente en catalán, fixeron as delicias do público, poñendo o broche de ouro a esta minixira galega da banda de Barcelona, que debutou no mercado musical alá por 2008.
Relacionadas:
-
O Ciclo Voices trae a Pontevedra o flamenco de Rocío Márquez e Bronquio
Por Redacción |
-
Os 'Mundos Inmóviles Derrumbándose' de Nacho Vegas conquistan o Pazo da Cultura
Por Redacción & Mónica Patxot |
-
'Per la bona gent', a xira de Manel por Galicia, conclúe o sábado no Pazo da Cultura
Por Redacción |
-
Domingos do Principal, Ponteatro, Voices e As Matinés do Principal, fío condutor da programación cultural ata final de ano
Por Alejandro Espiño |