O espectáculo "Ás para Álex", de Baobab Teatro, gaña o premio especial "Provincia Escena 2022"
Por Redacción
Despois de ser selecionados entre máis de mil compañías de teatro a nivel nacional e internacional na 25 edición da Feria de Teatro de Castela e León, e ter actuado o 27 de agosto no Teatro Novo Fernando Arrabal en Ciudad Rodrigo (lugar onde se celebrou a feria, unha das máis importantes a nivel nacional), a compañía Baobab Teatro vén de recibir a nova de que están galardoados co premio especial “Provincia a Escena 2022”.
O xurado que otorga este galardón confórmano os programadores culturais de Castela e León que asistiron á feira.
Trátase dun novo premio -dentro da programación oficial da feira castelá- que nace con varios obxectivos: recoñecer o mellor espectáculo para público infantil e familiar e incorporar o traballo ao programa denominado Provincia a Escena.
A obra “Ás para Álex” é unha montaxe de teatro e títeres de corte contemporáneo, co que Baobab Teatro foi seleccionada para a 25 edición da feira de Ciudad Rodrigo. A peza aborda de xeito maduro e responsable un tema como o da enfermidade do cancro, revelando como as propostas escénicas para público infantil e familiar poden versar sobre temas comprometidos.
Este espectáculo está dirixido por Andrea Bayer e Óscar Ferreira, fundadores de Baobab Teatro, na parte técnica (iluminación e son) Daniel Abalo, técnico da compañía dende os seus comezos, en escena, Xose Manuel Esperante e Cora Velasco, a escenografía é de Óscar Ferreira e o guión de Andrea Bayer.
A obra xirará ao longo das vindeiras semanas polos teatros da provincia de Salamanca, logo de ser estreada en Pontevedra en 2021.
Relacionadas:
-
Domingos do Principal arranca tempada o 15 de outubro
Por Mónica Patxot & María José Pita |
-
Baobab Teatro recibe o premio "Provincia a Escena" na Feria de Teatro de Castilla y León
Por Redacción |
-
A premiada obra de teatro infantil "Parade, o circo dos valentes" chega este domingo ao Casino de Pontevedra
Por Redacción |
-
'Ás para Álex', de Baobab Teatro, seleccionada para participar na Feira de Castela e León
Por Redacción |
-
As 'Ás para Álex' de Baobab Teatro inician con éxito o seu camiño teatral no Salón do Libro
Por Redacción & Cristina Saiz |
-
Baobab Teatro estrea "Ás para Álex", o seu novo espectáculo, no Salón do Libro
Por Redacción |