A película documental "A poeta analfabeta" chega a Poio e Cambados
Por Redacción
O Ciclo Mestre Mateo, que promoven conxuntamente a Academia Galega do Audiovisual e a Deputación de Pontevedra, celebrará os vindeiros días 21, 27 e 28 a súa terceira sesión coa proxección nos concellos de Forcarei, Poio, Redondela, Ponteareas e Cambados do documental "A poeta analfabeta", finalista na candidatura desta categoría nos premios Mestre Mateo.
O ciclo, que busca dotar aos concellos da provincia dunha programación estable de cinema en galego, exhibirá ao longo do ano o resto das películas premiadas e finalistas dos Mestre Mateo 2022, polo que amais de "A poeta analfabeta" tamén se proxectararán nos próximos meses o documental "Welcome to ma maison" así como as longametraxes "Tres", a premiada, e as finalistas "Cuñados", "Jacinto" e "Malencolía".
A proxección do filme "A poeta analfabeta" terá lugar o sábado 21 ás 20 horas no Centro Cultural Xaime Illa de Poio e o sábado 28 ás 20 horas no Auditorio municipal de Cambados.
O documental "A poeta analfabeta" retrata a unha muller fascinante: Luz Fandiño, poeta, activista, feminista, nacionalista e revolucionaria. Aos seus 88 anos é unha das voces vivas da emigración galega, da que volveu pobre, pero cunha fonda consciencia da súa identidade, a súa lingua e o seu xénero. O relato xira en torno ao seu retrato: a súa historia de vida, a súa loita política e a súa obra poética, pero tamén amosa aquilo que Luz xera ao seu redor e que conforma o seu legado o cal a converte nunha icona para moita xente. O filme é unha produción de Cósmica Producións e está dirixida por Sonia Méndez.
Relacionadas:
-
O Ciclo Mestre Mateo proxecta en Poio e Cambados a premiada 'Malencolía'
Por Redacción |
-
O Centro Cultural Xaime Illa proxecta este venres a película 'Cuñados'
Por Redacción |
-
'Víase vir' e Cacabelos veu con 'Son'
Por Redacción |
-
Poio e Cambados acollen este sábado a proxección do documental "A virxe roxa"
Por Redacción |
-
O documental "O gran camiño" abre en Poio as proxeccións do ciclo Mestre Mateo
Por Redacción |
-
As películas finalistas aos Premios Mestre Mateo proxectaranse en Poio e Cambados
Por Redacción |