Música e poesía para conmemorar en Pontevedra o Día de Rosalía
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A cidade de Pontevedra sumarase, como todo o resto de Galicia, ás celebracións do Día de Rosalía. Será, iso si, o venres 25 de febreiro, aínda que a efeméride adiantouse este ano a este 23 de febreiro, tras a revelación de documentos que fixan este día como o do seu nacemento.
O motivo esgrimido polo Concello é que así os actos en Pontevedra non coincidirán con outros actos institucionais e ampliarase o sentido e a idea da homenaxe un par de días máis.
O obxectivo ademais é programar os diferentes actos de xeito que se poida facilitar a asistencia do público e contribuír a que haxa unha maior percepción festiva.
O programa arrancará ás 17:30 horas, no parque de Campolongo, co obradoiro Figueiriñas que prantei, que estará organizado por Polo Correo do Vento e a música de Antón Ke. Trátase dunha actividade recomendada para nenas e nenos a partir de 3 anos.
Ás 19:30 horas, pola súa banda, haberá un concerto-recital con Laura LaMontagne & Pico Amperio, Zeltia Irevire e a poeta Luz Fandiño, na praza de San Xosé.
No caso de choiva, os actos previstos para este venres pasarán a celebrarse no Centro de Interpretación das Torres Arcebispais (CITA).