O Armadiña Rock completa o cartel da que anuncian como a súa edición "máis ambiciosa"
Por Redacción
Heredeiros da Crus, Talco e Def con Dos serán os cabezas de cartel dunha nova edición do festival Armadiña Rock que, como destacan os seus organizadores, será a "máis ambiciosa" da súa historia. Celebrarase en Combarro os días 25, 26 e 27 de agosto.
Organizado pola asociación local Armadiña, celebra a súa novena edición, coa que se pretende que o festival continúe a medrar e a afirmarse como referente no panorama musical.
Á edición do pasado ano asistiron 18 000 persoas, o que o está a converter nun dos festivais galegos de referencia.
Xunto os tres principais grupos, subirán ao escenario do Armadiña Rock: Ruxe Ruxe, Bala, Blues do País, Kitai, Brinkadelia Troupe, The Soul Breakers, Fanfarria Taquikardia, Carla Green & The Demons, DeLombaos, The Skarnivals e Leo i arremecaghona.
A programación que ofrecerá o Armadiña Rock non incluirá unicamente actividades musicais. O público participante tamén poderá asistir a conferencias, gozar de teatro de rúa e de embarcacións tradicionais ou achegarse ao Armadiña Kids, un espazo que ofrecerá actividades destinadas ao público familiar.
O festival é de balde e disporá dunha zona de acampada que contará con todos os servizos necesarios e que estará situada a carón do mar a 1,5 quilómetros de Combarro, centro neurálxico do festival e unha das vilas con máis encanto de Galicia.
A menos dun mes da celebración do evento, as previsións indican que se superarán as 15.000 persoas en dous días e que na zona de cámping se instalarán unhas 3.000 persoas.
Relacionadas:
-
O Armadiña Rock bota por fóra cos Heredeiros da Crus
Por Redacción & Diego Torrado |
-
A Festa do Mar chega á 17 edición á espera do recoñecemento como evento de interese turístico
Por Cristina Saiz & Anxo Lourido |
-
17 bandas encherán Combarro de potencia sonora no Armadiña Rock
Por Anxo Lourido |
-
David Civera, Xabier Díaz e Radio Cos completan co Armadiña Rock os concertos da Festa do Mar de Combarro
Por Redacción |
-
Def Con Dos, principal atractivo do festival Armadiña Rock
Por Redacción |
-
Herdeiros da Crus, entre as primeiras confirmacións do Armadiña Rock 2017
Por Redacción |