Os arxentinos Todos tus muertos estarán no SonRías Baixas 2017
Por Oskar Viéitez
Todos Tus Muertos foi, desde o seu nacemento a mediados dos 80, todo un referente do rock latinoamericano. Tres dos seus membros máis emblemáticos -o cuarto faleceu en 2011- reúnense por primeira vez en España 16 anos despois da súa separación para ofrecer a primeira fin de semana de agosto, en Bueu, un concerto imprescindible que fará cantar, saltar e poguear ao público do SonRías.
Será a única oportunidade en Galicia de gozar co reencontro dunha das bandas máis icónicas da música latinoamericana. A organización dá continuidade, así, á presenza de grandes bandas da outra beira do Atlántico no festival.
Os arxentinos súmanse, xunto co metal, o rock e o rap da banda sevillana Narco –referencia imprescindible no rock español- e máis co proxecto persoal do carismático cantante e compositor de El Puchero del Hortelano, Arco, ao cartel da XV edición do Festival SonRías Baixas.
A organización, que xa adiantara a presenza de Amparanoia e Sés, advirte que este mércores mesmo pon á venda, na web sonriasbaixas.info, as entradas cun prezo especial –e limitado- de 27,50 euros máis gastos os tres días de concertos, acampada incluída, e anuncia que axiña se confirmarán o resto dos artistas.
Relacionadas:
-
Todo preparado en Bueu para a XV edición do festival SonRías Baixas
Por Redacción |
-
Dakidarría, Guerrera ou Mad Professor, entre as quince bandas que actuarán no SonRíasBaixas
Por Alejandro Espiño |
-
O rumba rock de Estopa soará no SonRías Baixas de Bueu
Por Redacción |
-
Amparanoia e Sés, primeiras confirmacións do festival SonRías Baixas 2017
Por Alejandro Espiño |
-
O SonRías Baixas xa ten datas para 2017: será os días 3, 4 e 5 de agosto
Por Redacción |