O de Andrés Suárez con El Náutico do Grove é un idilio que vén de lonxe. Dende os tempos nos que o ferrolano trataba de buscarse a vida en Madrid cos seus primeiros discos. Cada verán, cando regresaba a Galicia, sempre tivo un oco na programación de concertos do Náutico.

Agora que o éxito lle acompaña alí onde vai, que llelo rifan, que o seu novo disco está entre os máis vendidos e os máis descargados, que el soíño é capaz de colgar o cartel de "soldout" no Pazo dos Deportes de Madrid, Andrés Suárez asegura que nunca se lle van esquecer os sitios nos que sempre achou unha oportunidade. E entre eles o local da praia da Barrosa ocupa un lugar destacado. "No hay un lugar en el universo como El Náutico. Siempre que Miguel (de la Cierva) me invité a ir, por supuesto allí estaré", confesa na véspera dos seus dous concertos.

Andrés Suárez ofrecerá este mércores un concerto acústico en solitario e o xoves actuará en eléctrico con todo o seu grupo. "Elixe o teu concerto", denomina este formato.