Suso de Toro presenta en Pontevedra "Somnámbulos", un libro que rompe catro anos de silencio
Tras catro anos de silencio literario, o escrito Suso de Toro ten novo libro. Trátase de Somnámbulos, unha obra composta por tres relatos. E con el baixo o brazo visitou Pontevedra para presentalo. Foi este mércores na libraría Cronopios, onde mantivo un encontro cos seus lectores e asinou exemplares desta novela, editada por Xerais.
Somnámbulos, que foi publicado simultaneamente en galego e castelán, recolle tres historias que o propio autor recoñece que quería sacar da súa cabeza. Nace ao redor dun eles, titulado Negocios de familia, que Suso de Toro escribiu hai anos e gardou nun caixón... ata agora. Nel, un terapeuta recibe a visita dun paciente que sofre insomnio e ambos os dous emprenderán unha viaxe polos recordos do pasado.
Esta historia dá paso aos outros dous relatos do libro. Conversando coa auga recolle a voz dun individuo que lle fala os turistas xunto á fonte da súa cidade; e Insomne é un monólogo dun home que venceu a súa loita contra o sono e espera esperto e inmisericorde a chegada da vixilia final. Son tres historias de postguerra e que esconden certos elementos autobiográficos.
Con este libro, Suso de Toro retoma a súa faceta literaria tras catro anos sen publicar un libro e nos que volveu ás aulas de secundaria 20 anos despois de abandonar a docencia. Regresa como ese autor controvertido e comprometido, que sempre utilizou o seu status de escritor recoñecido fóra das nosas fronteiras para a súa defensa de Galicia.
Dende a súa primeira novela, Caixón desastre, a súa produción literaria sempre obtivo un grande éxito. Entre as súas obras destacan títulos como Land Rober, Polaroid, Trece balaladas ou, a máis recente, Siete palabras.
Relacionadas:
-
Pilar Eyre presenta en Pontevedra "Mi color favorito es verte", a súa novela máis apaixoada e íntima
Por Alejandro Espiño |
-
Miguel Anxo Fernández presenta en Pontevedra "O espido de Gina", a súa última novela
Por Mónica Patxot |
-
Javier Sierra, en Pontevedra: "El mundo es imprevisible. Vivir es una incertidumbre permanente"
Por Alejandro Espiño & Mónica Patxot |