A compañía Redrum Teatro abre o ciclo Ponteatro co espectáculo "Amor Flexible"
Por Redacción
Este xoves 16 de outubro como apertura do ciclo Ponteatro, o Teatro Principal de Pontevedra acollerá a partir das 21.00 horas a representación do espectáculo Amor Flexible, da compañía de teatro Redrum.
Producida co apoio da Xunta de Galicia, Amor Flexible é unha comedia de enredo que fala das relacións de parella a través dos sete pecados capitais. Está protagonizada pola veterana actriz Mela Casal, con grande sona polos seus traballos no audiovisual galego, como alcaldesa de Mareas Vivas, a viuva de A vida por diante ou a entrañable Socorrito, do programa Luar. Xunto a ela dous actores novos pero cunha ampla experiencia, Tamara Canosa e o pontevedrés Guillermo Carbajo, ambos os dous coñecidos polo gran público por ser os nenos das dúas series de televisión máis míticas da TVG: Mareas Vivas e Pratos Combinados respectivamente.
A dirección vai a cargo de Alex Sampayo.
Amor Flexible é unha comedia escrita por Avelino González, Araceli Gonda, Tamara Canosa, Borja F. Caamaño e Alex Sampayo estreada no mes de marzo no Teatro Rosalía de Castro da Coruña. Dende entón non deixou de obter aplausos nunha xira que abrangue máis de trinta concellos da nosa xeografía.
As entradas teñen un custe de 8 euros e de 4 euros para estudantes, parados e xubilados. Pódense adquirir na billeteira do Teatro Principal e no servicio de venta de entradas online de Servinova.
SORTEO DO PAZO DA CULTURA
O Pazo da Cultura de Pontevedra está a sortear un abono doble para poder asistir a todo o ciclo de Ponteatro 2014 que contará con sete representacións entre os meses de outubro e decembro. Diferentes xéneros, da comedia musical ao circo, pasando pola improvisación ou ás versións actualizadas de autores clásicos. Terán lugar sempre en xoves, alternos, e empregarán como espazo o Teatro Principal ou o Auditorio do Pazo da Cultura.
Relacionadas:
-
Cada xoves deste outono 250 espectadores botáronlle teatro á vida
Por Redacción |
-
Queres asistir ao espectáculo 'Trendingtronching' de Leo Harlem? O Pazo da Cultura regala entradas cun divertido concurso
Por Redacción |
-
Ponteatro, aposta do Pazo da Cultura e o Teatro Principal para os xoves de outono
Por Alejandro Espiño & Mónica Patxot |
-
Pontevedra ten 'fame' de cultura: máis de 150.000 espectadores en nove meses de programación
Por Alejandro Espiño |