O Festival de Jazz tira da canteira: Xan Campos pon o broche de ouro
Por Diego Torrado
A clausura do Festival de Jazz correu a cargo de Xan Campos Trio.
Xan Campos formou parte da canteira de músicos do Seminario Permanente de Jazz de Pontevedra onde estudou cinco anos. Completou estudos no Musikene de Donostia e agora está mergullado no European Jazz Master que o leva dunha cidade a outra de Europa cada seis meses.
O pianista estaba anoite especialmente motivado, transmitindo esa enerxía ao seu grupo, o contrabaixista Horacio García e o batería Iago Fernández que deron vida aos temas do seu último disco Ectropía.
Xan Campos Trío é enerxía e jazz. Tras oito anos xuntos sobre os escenarios, e tamén fora deles, a banda non se etiqueta nin lles preocupa que corrente artística é a súa.
Para a revista estadounidense All About Jazz son "como a sacudida do primeiro café da mañá", eles simplemente pensan en experimentar e gozar da músca xunto ao seu público, sen medo a sairse da norma, nin rachar cos prexuizos.
Xan Campos Trío tivo ocasión de clausurar o Festival de Jazz de Pontevedra, que a organización no dudidou en cualificar coma un "éxito rotundo" coma testemuñaron as prazas da Ferrería e do Teucro.
Relacionadas:
-
O Seminario Permanente de Jazz abre a súa 14 edición como referente da interpretación musical colectiva
Por Anxo Lourido |
-
Carme da Silva: "Antes as festas eran a procesión, os touros e o baile do casino. Agora todos poden gozar delas"
Por Alejandro Espiño & Mónica Patxot |
-
Eric Bibb deixa paso ao jazz galego na última xornada do Festival Internacional de Jazz e Blues
Por Redacción |
-
A Ferrería námorase da alma e a voz 'rhythm & blues' de Robin McKelle
Por Alejandro Espiño & Diego Torrado |
-
O ritmo de Richard Bona fai vibrar ao público da Ferrería
Por Redacción |