Entrega de premios aos centros escolares gañadores do concurso Micromuseo
Por Redacción
Escolares do CEIP San Clemente de Cesar, en Caldas de Reis; do CEIP Plurilingüe de Domaio, de Moaña; e do IES Pintor Colmeiro, de Silleda, recibían este luns os premios do Concurso Micromuseo.
As obras en lingua galega e en formato audiovisual de duración inferior a sesenta segundos, que teña como eixo temático ou argumental os edificios que compoñen o Museo de Pontevedra ou calquera das pezas que se expoñen neste espazo.
O primeiro premio foi para o CEIP San Clemente de Cesar, de Caldas de Reis, correspondente ao alumnado de quinto e sexto de educación primaria.
Este traballo titulado 'O Misterio de Sarria' ofrece unha viaxe no tempo para desvelar o misterio do Ronsel de Sarria, unha peza destacada na colección arqueolóxica do Museo Provincial.
O centro recibe mil euros, ademais de tablets para os estudantes e un lote de libros.
O segundo premio nesta categoría recaía no CEIP Plurilingüe de Domaio por 'O Morto', que recolle a memoria de persoas que faleceron con motivo do levantamento militar franquista en 1936. Está baseado en 'Galicia quedou sen mariñeiros', de Federico Ribas Montenegro.
O primeiro premio da categoría de Educación Secundaria foi recollido por estudantes do IES Pintor Colmeiro por 'O Tesouro de Agolada'.
Rafa Domínguez, vicepresidente da Deputación, e Sabela Santos Filgueira, responsable do Departamento de Educación do Museo, entregaron estes premios, que forman parte da conmemoración do Día Internacional dos Museos.
Relacionadas:
-
'Pontevedra literaria. Xuventude e Artes' fomentará en outubro a creación literaria da mocidade
Por Redacción |
-
Reforzarán a seguridade do edificio que alberga o Servizo de Patrimonio Documental e Bibliográfico
Por Redacción |
-
Máis dun milleiro de escolares de Caldas participaron este curso nas actividades da Biblioteca
Por Redacción |
-
Día Internacional dos Museos con visitas guiadas, un concurso escolar e unha conferencia
Por Redacción |
-
O Museo de Pontevedra premiará os mellores microrrelatos en formato audiovisual con ata 3.000 euros
Por Redacción |