Os feirantes mantéñense firmes na súa postura: "Non renunciamos a estar na Alameda. Nin renunciaremos"
Por Redacción & Mónica Patxot
"Non renunciamos a estar na Alameda. Nin renunciaremos". É a postura firme do grupo de feirantes con postos na feira de Pontevedra. Con ela comezaron na tarde do mércores unha rolda de prensa na que abordaron as últimas novidades relativas á actividade feiral da cidade, ante o inminente traslado o sábado 30 de setembro á súa nova localización na avenida de Bos Aires.
Os feirantes xa anunciaron que o sábado non montarán na avenida de Bos Aires e piden ao Concello de Pontevedra que teña en conta as súas reivindicacións á hora de organizar a feira nesta nova localización. Seguen apostando pola Alameda para instalar os seus postos cada sábado, pero, de forma temporal, e se se cumpren as súas demandas, poderían instalarse en Bos Aires.
Os vendedores explican que non renuncian á Alameda porque están convencidos que "é cuestión de tempo que o conseguiremos", xa que contan "coa maioría da opinión pública ao noso favor e coa maioría das forzas políticas expresadas nas últimas eleccións municipais", en alusión a que o PP e o PSOE apoian as súas peticións, tan só discrepan co Goberno municipal do BNG.
En todo caso, aceptan ese cambio temporal á avenida de Bos Aires se o Concello prepara a zona segundo unhas necesidades que estiman "innegociables", entre elas, que estean todos xuntos, incluídos os pulpeiros, ou que poidan ter as furgonetas detrás dos postos, como facían en Rafael Areses e a Alameda.
Na súa comparecencia, tamén criticaron publicamente "a actitude e cambio de parecer de Anabel Gulías", concelleira de Promoción Económica. Así, sinalan que mantiveron dúas reunións e nas que tivo un "cambio de parecer radical", pois ao principio aceptou, segundo a súa versión, estar en Rafael Areses ata que se preparase a avenida de Bos Aires e logo adoptou "a postura de que só Bos Aires e nada máis".
"Cremos que houbo unha chamada á orde polos comisarios políticos que fiscalizan as decisións que toman as distintas concellerías e que carecen unha total falta de autonomía", sosteñen os feirantes.
Refírense tamén ao informe realizado polo Concello para esta nova localización e consideran que ten "sesgos evidentes" e está manipulado para favorecer unha determinada opción que estaba tomada de antemán e coa intención última de peonalizar a avenida de Bos Aires.
Os ambulantes piden tamén unha "comunicación máis fluída" co Concello.
Relacionadas:
-
Procesión mortuaria dos vendedores ambulantes para reivindicar a feira na Alameda
Por Mónica Patxot & Anxo Lourido |
-
Rafael Areses volverá acoller feirantes a partir deste sábado 14 de outubro
Por Anxo Lourido & Cristina Saiz |
-
Tres meses sen feira en Pontevedra, segundo o PSOE, pola "terquedade" do goberno municipal
Por Alejandro Espiño |
-
Os ambulantes manteñen o pulso e néganse por segunda semana a montar a feira en Bos Aires
Por Diego Espiño |
-
Estrea frustrada da feira na avenida Bos Aires: ocupan a rúa con postos, pero sen venda e colapsan o tráfico
Por Natalia Puga & Cristina Saiz |
-
Restricións de tráfico na avenida de Bos Aires polo traslado da feira ambulante
Por Redacción |
-
O Concello asume que os feirantes non instalarán este sábado os seus postos en Bos Aires
Por Alejandro Espiño |
-
Os feirantes pasan de montar "a mundial" e suspenden as súas protestas
Por Oskar Viéitez | Creada e actualizada
-
Os ambulantes irromperán na Feira Franca e o Mundial de Tríatlon se Lores non cumpre a súa promesa de hai 35 anos
Por Natalia Puga & Mónica Patxot |
-
Iván Puentes insiste en que "non hai razón obxectiva ningunha" para non trasladar a feira á Alameda e ve "certa desinformación"
Por Natalia Puga |
-
O Goberno local denuncia unha "utilización perversa dos vendedores ambulantes"
Por Natalia Puga |