O PP fai público o borrador do convenio e os correos entre o Concello de Poio e o Sergas
Por Oskar Viéitez
O presidente do PP de Poio, Ángel Moldes, compareceu este xoves en rolda de prensa na sede da formación na Seca para facer públicos o convenio e os correos entre o Concello de Poio e o Sergas.
En opinión dos populares estes documentos demostran "quen dixo a verdade, o PP, e quen mentiu desde o primeiro momento, o bipartito".
O borrador do convenio, cuxa redacción "é a acordada entre ámbalas dúas partes", inclúe na súa primeira cláusula o peche dos centros de Anafáns, Combarro e Raxó, "o que demostra que o bipartito estaba de acordo coa desaparición destes ambulatorios", dixo Moldes.
O voceiro do PP de Poio explicou que a súa formación pediu a mesma documentación á Xunta e ao Concello e "a Xunta nola deu. O concello non", ao seu xuízo, "iso demostra quen ten interese porque se coñeza a verdade e quen non".
Moldes, que compareceu acompañado do concelleiro Juan José Rodríguez Grandal, sinalou ao equipo de goberno coma o "único responsable da preocupación pública que se despertou nos veciños polos posibles cambios e peches dos centros".
Relacionadas:
-
O novo centro de saúde, insiste o Sergas, complica o futuro dos consultorios de Raxó e Combarro
Por Alejandro Espiño |
-
Unha parcela en San Salvador, a que "máis gusta" para o novo centro de saúde de Poio
Por Alejandro Espiño |
-
Unidade no goberno local do Poio: centro de saúde si, pero sen pechar os ambulatorios de Combarro e Raxó
Por Diego Espiño |
-
Ángel Moldes solicita a Concello e Sergas o borrador do convenio do novo centro de saúde de Poio
Por Redacción |
-
O Concello de Poio acorda coa Xunta un novo centro de saúde con servizo de urxencia
Por Oskar Viéitez |