Tres glorietas en Samieira, Covelo e Raxó para mellorar a seguridade da PO-308
Por Redacción
Case un millón de euros. É o orzamento estimado das obras que a Xunta de Galicia realizará para mellorar a seguridade viaria na estrada PO-308, ao seu paso por Poio.
En concreto, actuarase en catro quilómetros da estrada, entre a vía de acceso ao peirao do Covelo e o miradoiro da Granxa. O proxecto de mellora xa se atopa na fase de exposición pública. Pódense realizar alegacións ata o 12 de febreiro.
As principais actuacións no tramo consistirán na mellora de interseccións, nas que se producen unha parte moi importante dos accidentes nesta estrada.
Co obxectivo de evitalos e de mellorar a funcionalidade da estrada, no primeira parte do treito habilitarase unha semiglorieta para cambio de sentido no acceso ao peirao de Covelo e unha glorieta completa na intersección coa PO-303 en Samieira.
Esta última permitirá calmar o tráfico e realizar xiros en condicións máis seguras, dado que a proximidade dun cambio de rasante fai que actualmente a visibilidade sexa reducida.
Así mesmo, habilitarase un carril central para xiros na intersección do Camiño Salgueiral e o acceso á praia de Laño e unha segunda glorieta no acceso ao porto de Raxó, que incluirá a construción dun novo acceso e a eliminación do actual.
Finalmente, realizarase a mellora doutras interseccións mediante a execución de cuñas de aceleración e desaceleración, para facilitar a incorporación e saída da estrada.
Esta actuación que agora se impulsa complementa á senda peonil e ciclista que se está a tramitar entre Covelo e Raxó. Ambos proxectos serán executados de forma coordinada.
Relacionadas:
-
A Xunta dá un novo paso para mellorar a estrada entre Covelo e o Miradoiro da Granxa en Poio, foco de accidentes
Por Redacción |
-
A Xunta licita as obras PO-308 entre o peirao do Covelo e o miradoiro da Granxa
Por Oskar Viéitez |
-
A Xunta convoca aos afectados polas expropiacións da senda entre Covelo e Raxó
Por Redacción |
-
A Xunta espera iniciar as obras da senda entre Covelo e Raxó a finais deste verán
Por Oskar Viéitez |
-
Comezan as expropiacións para a execución da senda entre Covelo e Raxó
Por Oskar Viéitez |
-
A Xunta asumirá as alegacións de Pedaladas para mellorar a senda da Seca a Combarro
Por Oskar Viéitez |
-
A Xunta aproba a expropiación de terreos en Poio para crear a senda entre Covelo e Raxó
Por Redacción |
-
A Xunta resposta ás críticas dos ciclistas defendendo a "mellora da seguridade" na PO-308
Por Oskar Viéitez |
-
Veciños de Raxó maniféstanse en recordo das vítimas da PO-308
Por Redacción & Diego Torrado |
-
Trece novas sendas peonís e ciclistas para Poio e Pontevedra
Por Redacción |
-
As obras de seguridade viaria na PO-308 entre Covelo e Raxó serán realidade en 2018
Por Redacción |